如果直航同轉機只係相差幾百蚊，小編寧願揀直航，宜家瑞士航空直航瑞士有優惠添！2020年2月28日前出發，直航蘇黎世$ 3,700 (連稅$ 4,306)！票價包1件23KG 行李，而且凌晨機出發清早抵達，仲有連聖誕出發都有平～優點多到數唔哂呀！
【出發日期】
3月8日至4月4日、10月8日至2020年2月28日 (必須於2020年2月28日前完成旅程)
【停留期限】
1個月
【訂飛網址】
瑞士航空官網
瑞航每日各得一班航空來回香港與蘇黎世，不過時間都係幾靚，同樣凌晨機出發清早抵達，不過價錢同魚翅航空相差至少一千蚊，而回程就夜晚十點幾機，都唔錯呀！
去程：LX139 00:20-06:10
回程：LX138 22:40-17:20+1
小編唔掘唔覺，除咗平飛賣到去2020年2月，宜家連聖誕節/跨年平飛都有啦，但出發日期必須係12月25日及26日、而回程最早都要2020年1月6日先有得返黎香港。
優惠價只包23KG 行李及機上餐飲！如果揀位要額外加錢，至少加多$ 320蚊以上 (幾貴下)！
而小編分享少少坐瑞航經驗，其實整體都不錯，至少成程機一定唔會餓死，除咗可以叫杯麵，機尾仲設有小食吧，而且未抵達先食到正宗「瑞士朱古力」！
同埋小編都幾鍾意瑞航個平飛系統，有平飛嘅日子顯示為金色，一眼就睇哂！
瑞士係一個去完就會深深愛上嘅地方，除咗物價貴到癲咗之餘，基本上呢個地方係零缺點架！瑞士人超級友善，而且好樂意幫助遊客，只要去過就知佢地有幾nice。
講返蘇黎世，其實只需要用一日時間就可以遊完整個城市，最多用多一日去埋附近嘅萊茵瀑布就可以完。不過蘇黎世前往其他地方都極之方便，通常都係2-3小時車程，彼如去鐵力士、少女峰，坐冰河列車，黃金列車，玩到最後去返蘇黎世走都好方便。
(圖片來源：Flyday.hk)
沒有留言:
張貼留言