好鬼正呀！漫天熱氣球之旅！阿提哈德航空來回伊斯坦堡只需$1,475

好鬼正呀！漫天熱氣球之旅！阿提哈德航空來回伊斯坦堡只需$1,475 http://www.travelagentsblog.info/trips/%e5%a5%bd%e9%ac%bc%e6%ad%a3%e5%91%80%ef%bc%81%e6%bc%ab%e5%a4%a9%e7%86%b1%e6%b0%a3%e7%90%83%e4%b9%8b%e6%97%85%ef%bc%81%e9%98%bf%e6%8f%90%e5%93%88%e5%be%b7%e8%88%aa%e7%a9%ba%e4%be%86%e5%9b%9e%e4%bc%8a.html

土耳其卡帕多奇亞嘅熱氣球奇景，真係壯觀到暈！如果想親身睇一次，可以先飛到伊斯坦堡，宜家坐阿提哈德航空飛過去都係$ 1,474 (連稅$ 3,485)！不過今次優惠限咗5月份出發，天氣涼涼爽爽都幾舒服！加上本身伊斯坦堡貴為全球最大城市之一，應該行好多日都未必行得哂！

【出發日期】
5月1日至31日

【停留期限】
1個月

【訂飛網址】
Trip.com (連稅$ 3,485)

阿提哈德官網 (連稅$ 5,643)

---

好耐無見過飛土耳其有平機票，對上果次已經差唔多係12月坐土航果次！不過今次真係唔知點解得Trip.com賣得特別平，票價$ 1,475 (連稅$ 3,485)，不過只可以5月份出發！

同埋只係得一個時間可以揀，日日都係去程要喺機場等9個鐘，所以大家記得帶定件風褸喺機場過夜！至於回程又勁快脆可以轉機喎，時間不過不失啦！

由於今次只得Trip.com有平飛，無得再用官網月曆搵平飛，所以只好開啟「手動模式」！即係點呢！？

假設已知5月16日出發，24日回程有平飛！然後，揀返你自己想出發去程嘅日子，配24日回程，搵下你出發嘅日子有無平先？如果無，就唯有逐日逐日咁搵，搵到知道邊日去程有平為止。

而回程做法相同，再左拼右拼就會搵到另一套平飛日子啦！聽落好似好難，做其實好簡單。

平時我地網上見到土耳其滿天熱氣球嘅地方叫卡帕多奇亞 (Cappadocia)！由伊斯坦堡可坐內陸機到Nevsehir機場與Kayseri機場，不過Nevseri機場距離會較近，但航班班次較疏。

熱氣球最佳升空時間一天只得好短，其中一段時間係早上，一般凌晨就要準備出發，氣球升上去一刻就係日出，頓時成個天空會變到七彩繽紛，勁壯觀！但玩一次都唔平架，成人約130歐元一位！

無論咩角度影都好鬼有型！

(圖片來源：PIXABOY)